తెలంగాణలో చలి తీవ్రత మరింత పెరుగుతోంది. ఏడు జిల్లాలకు ఐఎండీ ఎల్లో అలర్ట్

తెలంగాణ వ్యాప్తంగా చలితీవ్రత పెరిగి ఎముకలు కొరికే స్థాయికి చేరుకుంది. తెల్లవారుజామున చోటుచేసుకుంటున్న భారీ పొగమంచు, శీతల గాలులతో ప్రజలు తీవ్ర ఇబ్బందులు ఎదుర్కొంటున్నారు. కొనసాగుతున్న ఈ పరిస్థితులను దృష్టిలో పెట్టుకొని భారత వాతావరణ శాఖ (IMD) రాష్ట్రానికి కీలక హెచ్చరికలు జారీ చేసింది.

రెండు రోజుల పాటు కనిష్ట ఉష్ణోగ్రతలు భారీగా పడిపోనున్నవే!

రాగల 48 గంటల్లో రాష్ట్రంలోని అనేక ప్రాంతాల్లో కనిష్ట ఉష్ణోగ్రతలు సాధారణం కంటే 4–5 డిగ్రీల వరకు తగ్గే అవకాశం ఉందని ఐఎండీ ప్రకటించింది. ముఖ్యంగా ఆదిలాబాద్, కుమ్రంభీం ఆసిఫాబాద్, నిర్మల్, సంగారెడ్డి, మెదక్, కామారెడ్డి జిల్లాల్లో చలిగాలులు తీవ్రంగా వీచే అవకాశం ఉన్నట్లు తెలిపింది.

సోమవారం: ఆదిలాబాద్, ఆసిఫాబాద్, నిర్మల్, సంగారెడ్డి, మెదక్, కామారెడ్డి జిల్లాలకు చలిగాలుల హెచ్చరిక
మంగళవారం: ఆసిఫాబాద్, ఆదిలాబాద్, నిర్మల్, సంగారెడ్డి, మెదక్ జిల్లాల్లో శీతలగాలులు వీచే ఛాన్స్

ఈ నేపథ్యంలో ఈ జిల్లాలకు ఎల్లో అలర్ట్ జారీ చేసినట్లు వాతావరణశాఖ ప్రకటించింది.