దేశవ్యాప్తంగా 25,487 కానిస్టేబుల్ పోస్టులకు SSC నోటిఫికేషన్ విడుదల

హైదరాబాద్ : డిసెంబర్ 10: స్టాఫ్ సెలక్షన్ కమిషన్ (SSC) దేశవ్యాప్తంగా ఉన్న వివిధ కేంద్ర సాయుధ పోలీస్ బలగాలు (CAPFs) — BSF, CRPF, ITBP, CISF, SSB, Assam Rifles, SSF — లోని కానిస్టేబుల్ పోస్టుల భర్తీకి సంబంధించిన 2025 నోటిఫికేషన్‌ను విడుదల చేసింది.

ఈ నోటిఫికేషన్ ద్వారా మొత్తం 25,487 ఖాళీలను భర్తీ చేయనున్నారు. ఇందులో పురుష అభ్యర్థులకు 23,467 పోస్టులు, మహిళా అభ్యర్థులకు 2,020 పోస్టులు కేటాయించారు.

దరఖాస్తుల సమర్పణ

అభ్యర్థులు ఈ నియామకాలకు సంబంధించిన ఆన్‌లైన్ దరఖాస్తులను 2025 డిసెంబర్ 31 లోపు సమర్పించాలి. అర్హత కలిగిన అభ్యర్థులు ఈ అవకాశాన్ని వినియోగించుకోవాలని SSC సూచించింది.