సీట్ల కింద స్టెప్నీ టైరుల రూ.4.50 కోట్లు! 125 కిలోమీటర్ల చేజ్‌తో బోయిన్‌పల్లి పోలీసుల పట్టివేట

అడ్డగుట్ట/బోయిన్‌పల్లి, డిసెంబర్ 6: మోసం కేసులో నిందితులను వెంబడించిన బోయిన్‌పల్లి పోలీసులు ఆశ్చర్యపరిచే విషయాన్ని బయటపెట్టారు. సుమారు 125 కిలోమీటర్లపాటు కారును ఛేజ్‌ చేస్తూ చివరకు నిందితులను అదుపులోకి తీసుకున్నారు. ఆపై వారి వాహనాన్ని తనిఖీ చేయగా… సీట్ల కింద, డోర్ల అరల్లో, స్టెప్నీ టైరులో దాచిన రూ.4.50 కోట్ల హవాలా సొమ్ము బయటపడింది.

శుక్రవారం నార్త్‌జోన్‌ డీసీపీ రష్మీ పెరుమాళ్ ఈ కేసు వివరాలను మీడియాకు వివరించారు.

మోసం ఇలా బయటపడింది

2024 డిసెంబర్ 7న నాగోల్‌కు చెందిన విశ్వనాథచారి వ్యాపార పెట్టుబడి పేరుతో మోసపోయారు. గుజరాత్‌కు చెందిన ప్రకాశ్ మోతిబాయి ప్రజాపత్‌ (30), ప్రగ్నేశ్ కీర్తిబాయి ప్రజాపత్‌ (28) అనే ఇద్దరు యువకులు ఆయనను నమ్మబలికారు.

“రూ.50 లక్షలు పెట్టుబడి పెడితే అదనంగా రూ.10 లక్షలు లాభంగా ఇస్తాం” అంటూ వల వేసిన నిందితులకు
విశ్వనాథ్ రూ.50 లక్షలు ఇచ్చారు.
మొత్తం రూ.60 లక్షలను బ్యాంక్ ఖాతాకు ఆర్టీజీఎస్ చేస్తామన్న వారు కనిపించకుండా పోయారు.

అనుమానం వచ్చిన విశ్వనాథ్ వెంటనే బోయిన్‌పల్లి పోలీసులను ఆశ్రయించగా, పోలీసులు మోసం కేసు నమోదు చేసి నిందితులపై నిఘా వేశారు.

ఓఆర్‌ఆర్ మీదుగా పారిపోవడానికి ప్రయత్నం

నిందితులు హైదరాబాద్‌ దిశగా వస్తున్నారనే సమాచారంతో పోలీసులు ముందస్తుగా పథకం సిద్ధం చేశారు. అయితే నిందితులు శామీర్‌పేట్‌ నుంచి ఓఆర్‌ఆర్ మీదుగా వేగంగా నగరాన్ని దాటేశారు.

పోలీసులు వెంటనే చేజ్ ప్రారంభించి…

శామీర్‌పేట్ నుంచి → ORR → సిటీలోని పలు ప్రాంతాలు → చివరకు మహబూబ్‌నగర్ జిల్లాలో సుమారు 125 కిలోమీటర్లు వెంబడించి వారిని పట్టుకున్నారు.

కారులో నిండా నోట్లకట్టలు

వాహనాన్ని తనిఖీ చేస్తే పోలీసులు ఆశ్చర్యపోయారు. ఎక్కడ చూసినా నోట్లకట్టలే!

సీట్ల కింద
కార్ డోర్లలోని అరల్లో
స్టెప్నీ టైర్‌లో కూడా
అత్యంత చాకచక్యంగా పెట్టిన రూ.4.50 కోట్లు హవాలా క్యాష్ దొరికింది.

పరిశీలించగా ఆ సొమ్ము నాగ్‌పూర్‌ నుంచి బెంగుళూరుకు హవాలా మార్గంలో తరలిస్తున్నది అని తేలింది.

నిందితులు రిమాండ్‌కి

పోలీసులు ఇద్దరు నిందితులను అరెస్టు చేసి రిమాండ్‌కు తరలించారు. స్వాధీనం చేసిన భారీ మొత్తంలోని డబ్బును ఆదాయపు పన్ను శాఖకు అప్పగించనున్నట్లు డీసీపీ తెలిపారు.