హత్య కేసులో నిందితుడికి జీవిత ఖైదు జిల్లా ప్రధాన న్యాయమూర్తి పాటిల్ వసంత్ తీర్పు

కొత్తగూడెం లీగల్: భద్రాద్రి కొత్తగూడెం జిల్లా ప్రధాన న్యాయమూర్తి పాటిల్ వసంత్, 2021లో చోటుచేసుకున్న సుధాకర్ హత్య కేసులో నిందితుడు షేక్ బాషాకు జీవిత ఖైదు విధిస్తూ మంగళవారం తీర్పు ఇచ్చారు.

కేసు వివరాలు:

కొత్తగూడెం గణేష్ బస్తీకి చెందిన కేతేపల్లి సురేష్ ఫిర్యాదు ప్రకారం తన తమ్ముడు సుధాకర్ కుటుంబంతో కలిసి గణేష్ బస్తీలో నివసిస్తూ, వ్యాపారం చేసుకుంటూ జీవించేవాడు. 2021 సెప్టెంబర్ 8న రాత్రి మరదలు ప్రమీల ఫోన్ చేసి, సుధాకర్ “ఇప్పుడే వస్తాను” అంటూ TS 28 E 8023 నంబర్‌ మోటార్‌సైకిల్‌పై వెళ్లి, తిరిగి రాలేదని తెలిపింది.

కుటుంబ సభ్యులు, బంధువులను అడిగి వెతికినా ఫలితం లేకపోయింది. తరువాత రోజు 9-9-2021 ఉదయం ఎదురుగడ్డ గ్రామపంచాయతీ పరిధిలోని చిప్ప ముత్తిలింగం కాలనీ దగ్గర ఖాళీ ప్రదేశంలో ఒక వ్యక్తి మృతదేహం కనిపించిందని సమాచారం వచ్చింది. అక్కడికి వెళ్లి చూసేసరికి, ఆ మృతదేహం తన తమ్ముడు సుధాకర్‌దేనని నిర్ధారించారు. తల వెనుక భాగంలో తీవ్రమైన రక్తగాయాలు ఉన్నట్టు గుర్తించారు.

ఈ విషయమై లక్ష్మీదేవిపల్లి పోలీస్ స్టేషన్‌లో అప్పటి సబ్‌ఇన్స్పెక్టర్ కె.అంజయ్యకు ఫిర్యాదు చేయగా, పోలీసులు కేసు నమోదు చేశారు.

దర్యాప్తులో బయటపడ్డ విషయాలు:

అప్పటి సర్కిల్ ఇన్స్పెక్టర్ డి. గురుస్వామి దర్యాప్తులో భాగంగా కాల్ రికార్డులను పరిశీలించగా

నిందితుడు షేక్ బాషా, సుధాకర్‌కు పరిచితుడు
అప్పు కోరడంతో చిన్నపాటి విభేదాలు
అదే నెపంతో స్నేహం అడ్డం పెట్టుకొని ఫోన్ చేసి పిలిపించడం
లక్ష్మీదేవిపల్లి మండలం ఎర్రగడ్డలోని చిప్ప ముత్తిలింగం జామాయిల్ తోట వద్ద ఉన్న ఖాళీ ప్రదేశానికి తీసుకెళ్లడం
సుధాకర్ ధరించిన బంగారు చైన్, గోల్డ్ రింగ్ అపహరించాలని ముందుగానే ప్లాన్
ఇనుప గొట్టంతో తల వెనుక భాగంలో దాడి చేసి చంపడం