ఘోర రైలు ప్రమాదం: అర్ధరాత్రి ఎర్నాకులం ఎక్స్ప్రెస్లో చెలరేగిన అగ్నిప్రమాదం
అనకాపల్లి (ఆంధ్రప్రదేశ్): టాటానగర్ (జార్ఖండ్) నుంచి ఎర్నాకులం (కేరళ) వెళ్తున్న ఎర్నాకులం ఎక్స్ప్రెస్ (18189) రైలు ఆదివారం అర్ధరాత్రి ఘోర అగ్నిప్రమాదానికి గురైంది. అనకాపల్లి జిల్లా ఎలమంచిలి–నక్కపల్లి మధ్య ప్రాంతంలో ఈ దుర్ఘటన చోటుచేసుకుంది. ఈ ప్రమాదంలో ఒక ప్రయాణికుడు సజీవ దహనమయ్యారు, మిగిలిన ప్రయాణికులు ప్రాణాలతో బయటపడ్డారని రైల్వే అధికారులు వెల్లడించారు.
🔥 ఒక్కసారిగా మంటలు… ప్రయాణికుల్లో భయాందోళన
అర్ధరాత్రి సమయంలో రైలు ప్రయాణంలో ఉండగా బీ1 కోచ్లో అకస్మాత్తుగా మంటలు చెలరేగాయి. పొగలు వ్యాపించడంతో ప్రయాణికులు తీవ్ర భయాందోళనకు గురయ్యారు. ఈ విషయాన్ని గమనించిన లోకో పైలట్ వెంటనే అప్రమత్తమై రైలును నిలిపివేశారు.
మంటలు వేగంగా వ్యాపిస్తుండటంతో ప్రయాణికులు “బతుకు జీవుడా” అంటూ రైలు నుంచి బయటకు పరుగులు తీశారు. పరిస్థితి మరింత ప్రమాదకరంగా మారుతుందన్న అంచనాతో కాలిపోతున్న బీ1, బీ2 కోచ్లను రైలు నుంచి వేరు చేయడంలో లోకో పైలట్ చాకచక్యంగా వ్యవహరించారు.
🚒 అగ్నిమాపక శాఖ సత్వర చర్య
సమాచారం అందుకున్న వెంటనే అనకాపల్లి, ఎలమంచిలి, నక్కపల్లి అగ్నిమాపక శాఖల సిబ్బంది సంఘటనా స్థలానికి చేరుకుని మంటలను అదుపులోకి తీసుకొచ్చారు. వారి వేగవంతమైన స్పందన వల్ల పెద్ద ప్రమాదం తప్పిందని రైల్వే శాఖ పేర్కొంది.
⚠️ ఒకరు మృతి… మిగతావారు క్షేమం
- బీ1 కోచ్లో 76 మంది,
- బీ2 కోచ్లో 82 మంది ప్రయాణికులు ఉన్నారు.
మృతుడిని తప్పించి మిగిలిన వారంతా సురక్షితంగా బయటపడ్డారు.
🔍 ప్రమాదానికి కారణమేంటి?
ఘటనపై దక్షిణ మధ్య రైల్వే విజయవాడ డివిజన్ డిఆర్ఎం మోహిత్ సంఘటనా స్థలాన్ని సందర్శించారు. ఆయన తెలిపిన వివరాల ప్రకారం:
- కోచ్లో ఉన్న దుప్పట్లు (బ్లాంకెట్లు) ఉండటం వల్ల మంటలు వేగంగా వ్యాపించాయి
- బీ1, బీ2 కోచ్లు పూర్తిగా దగ్ధమయ్యాయి
- బ్రేకులు అకస్మాత్తుగా స్టక్ కావడమే ప్రమాదానికి కారణమై ఉండొచ్చని లోకో పైలట్లు ప్రాథమికంగా తెలిపారు
- అయితే దీనిపై అధికారిక విచారణ జరిపి పూర్తి కారణాలు వెల్లడిస్తామని చెప్పారు
ఈ ఘటనపై విచారణకు ఆదేశాలు జారీ చేసినట్లు డిఆర్ఎం స్పష్టం చేశారు.
🧍♂️ ప్రయాణికుల ఇబ్బందులు… రైళ్లకు అంతరాయం
ఈ ఘటన ప్రభావంతో
- పూడి–తిరుపతి ఈస్ట్ కోస్ట్ ఎక్స్ప్రెస్,
- జన్మభూమి ఎక్స్ప్రెస్,
- బెంగళూరు హంసఫర్ ఎక్స్ప్రెస్రైళ్లు ఆలస్యంగా నడుస్తున్నాయి.
Post a Comment