తమిళనాడులో విజయ్‌ కేబినెట్ విస్తరణ.. 32కు చేరిన మంత్రివర్గం

తమిళనాడులో C. Joseph Vijay నేతృత్వంలోని ప్రభుత్వం మంత్రివర్గాన్ని విస్తరించింది. తాజాగా మరో 23 మంది మంత్రులుగా ప్రమాణ స్వీకారం చేయడంతో కేబినెట్ సభ్యుల సంఖ్య 32కు చేరింది. ఈ నెల 10న సీఎం విజయ్‌తో పాటు తొమ్మిది మంది మాత్రమే ప్రమాణ స్వీకారం చేసిన విషయం తెలిసిందే.

గురువారం ఉదయం లోక్‌భవన్‌లో జరిగిన కార్యక్రమంలో రాష్ట్ర గవర్నర్ కొత్త మంత్రులతో ప్రమాణ స్వీకారం చేయించారు. కొత్తగా ప్రమాణం చేసిన వారిలో 21 మంది Tamilaga Vettri Kazhagam ఎమ్మెల్యేలు కాగా, ఇద్దరు Indian National Congress ఎమ్మెల్యేలు ఉన్నారు.

ఈ మంత్రివర్గంలో ఏడుగురు ఎస్సీ వర్గాలకు చెందిన నేతలకు చోటు లభించడం విశేషంగా మారింది. అలాగే మొత్తం 33 మందిలో 31 మంది తొలిసారి ఎమ్మెల్యేలుగా ఎన్నికైన వారే కావడం తమిళనాడు రాజకీయ చరిత్రలో అరుదైన రికార్డుగా చెబుతున్నారు. మరోవైపు 50 ఏళ్లలోపు వయస్సున్న 15 మంది మంత్రివర్గంలో చోటు దక్కించుకున్నారు.

ఇక కాంగ్రెస్ పార్టీ దాదాపు 59 ఏళ్ల తర్వాత తమిళనాడు ప్రభుత్వంలో భాగస్వామ్యం కావడం రాజకీయంగా ప్రాధాన్యం సంతరించుకుంది. మాజీ సీఎం K. Kamaraj అనంతరం రాష్ట్రంలో కాంగ్రెస్ ప్రభావం తగ్గిపోయిన నేపథ్యంలో, ఇప్పుడు ఐదుగురు ఎమ్మెల్యేల మద్దతుతో టీవీకే ప్రభుత్వంలో చోటు దక్కించుకుంది.

కాంగ్రెస్‌కు చెందిన ఎమ్మెల్యేలు S. Rajesh Kumar, P. Viswanathan మంత్రులుగా ప్రమాణ స్వీకారం చేశారు.