కాజీపేట రైల్వే ఫ్యాక్టరీ రెడీ.. 5 ఏళ్లలో 200 కొత్త రైళ్లు.. సామాన్యులు, విద్యార్థులకు పండగ

Ashwini Vaishnaw పర్యవేక్షణలో తెలంగాణలోని Kazipet రైల్వే మ్యానుఫ్యాక్చరింగ్ యూనిట్ నిర్మాణ పనులు వేగంగా పూర్తికి చేరుకున్నాయి. భారతీయ రైల్వేలకు కీలక కేంద్రంగా మారనున్న ఈ ఫ్యాక్టరీ నుంచి రాబోయే ఐదేళ్లలో 200 అత్యాధునిక ఇంటర్‌సిటీ షటిల్ రైళ్లు తయారు చేయాలని కేంద్ర రైల్వే శాఖ లక్ష్యంగా పెట్టుకుంది.

ఈ రైళ్లు ప్రధానంగా 300 కిలోమీటర్ల పరిధిలో నడిచేలా రూపకల్పన చేస్తున్నారు. ఎక్కువ స్టాపింగ్‌లతో చిన్న పట్టణాలు, నగరాల మధ్య ప్రయాణించే ప్రజలకు ఇవి భారీ ఊరటనివ్వనున్నాయి. ముఖ్యంగా విద్యార్థులు, ఉద్యోగులు, రోజువారీ కూలీలు, వ్యాపారులు, వైద్య అవసరాల కోసం ప్రయాణించే వారికి తక్కువ ఖర్చుతో సురక్షిత ప్రయాణ సౌకర్యం అందుబాటులోకి రానుంది.

రైళ్ల ప్రత్యేకతలు

• గంటకు 130 కి.మీ గరిష్ట వేగం
• ప్రతి రైలులో 20 కోచ్‌లు
• జెర్క్ ఫ్రీ కుప్లర్లతో స్మూత్ ప్రయాణం
• ఆటోమేటిక్ డోర్ క్లోజింగ్ సిస్టమ్
• మెరుగైన వెంటిలేషన్
• ప్రతి కోచ్‌లో రెండు టాయిలెట్లు
• ఆధునిక భద్రతా సౌకర్యాలు

పర్యావరణహిత టెక్నాలజీ

ఈ కొత్త రైళ్లలో రీజనరేటివ్ బ్రేకింగ్ సిస్టమ్‌ను అమర్చుతున్నారు. రైలు బ్రేక్ వేస్తే ఉత్పత్తి అయ్యే శక్తిని తిరిగి విద్యుత్ గ్రిడ్‌కు పంపే విధంగా ఈ టెక్నాలజీ పనిచేస్తుంది. దీనివల్ల విద్యుత్ వినియోగం తగ్గడమే కాకుండా కార్బన్ ఉద్గారాలు కూడా తగ్గనున్నాయి.

తెలంగాణకు భారీ ప్రయోజనం

Telangana లో ఈ ప్రాజెక్ట్ ప్రారంభం కావడం ద్వారా వేలాది ఉద్యోగ అవకాశాలు ఏర్పడనున్నాయి. అలాగే దేశవ్యాప్తంగా చిన్నదూర రైల్వే కనెక్టివిటీ మరింత బలోపేతం కానుంది. ముఖ్యంగా Warangal, Hyderabad వంటి నగరాలకు అనుసంధానంగా ప్రయాణ సౌకర్యాలు మరింత మెరుగుపడే అవకాశం ఉంది.