ఘోర రోడ్డు ప్రమాదం.. ఆగి ఉన్న లారీని ఢీకొట్టిన తుపాను వాహనం.. నలుగురు దుర్మరణం

 ఘోర రోడ్డు ప్రమాదం.. ఆగి ఉన్న లారీని ఢీకొట్టిన తుపాను వాహనం.. నలుగురు దుర్మరణం

ఆంధ్రప్రదేశ్‌లోని పల్నాడు జిల్లాలో శుక్రవారం తెల్లవారుజామున ఘోర రోడ్డు ప్రమాదం చోటుచేసుకుంది. మాచర్ల సమీపంలోని నగరవనం వద్ద రోడ్డుపక్కన ఆగి ఉన్న లారీని తుపాను వాహనం వెనుక నుంచి బలంగా ఢీకొట్టింది. ఈ ప్రమాదంలో తుపాను వాహనంలో ప్రయాణిస్తున్న నలుగురు అక్కడికక్కడే మృతి చెందగా, మరికొందరు తీవ్రంగా గాయపడ్డారు.

ప్రమాద సమాచారం అందుకున్న స్థానికులు, పోలీసులు వెంటనే సంఘటనా స్థలానికి చేరుకుని సహాయక చర్యలు చేపట్టారు. గాయపడిన వారిని సమీప ఆస్పత్రికి తరలించి చికిత్స అందిస్తున్నారు.

మృతులంతా హైదరాబాద్‌కు చెందిన వారిగా పోలీసులు ప్రాథమికంగా గుర్తించారు. బంధువు మరణించడంతో ఆయన అంత్యక్రియలకు హాజరయ్యేందుకు పామూరు వెళ్తుండగా ఈ విషాదం చోటుచేసుకున్నట్లు సమాచారం. ఓదార్పునకు బయలుదేరిన వారే ప్రమాదంలో ప్రాణాలు కోల్పోవడం స్థానికంగా తీవ్ర విషాదాన్ని మిగిల్చింది.

తుపాను వాహనం అతివేగంగా ప్రయాణించడం వల్లే ఈ ప్రమాదం జరిగి ఉండవచ్చని పోలీసులు ప్రాథమికంగా అనుమానిస్తున్నారు. కేసు నమోదు చేసి ప్రమాదానికి గల ఖచ్చితమైన కారణాలపై దర్యాప్తు చేస్తున్నారు.

ఈ ఘటనతో మృతుల కుటుంబాల్లో విషాద ఛాయలు అలుముకోగా, స్థానికులు సైతం తీవ్ర దిగ్భ్రాంతి వ్యక్తం చేస్తున్నారు.