బెట్టింగ్ యాప్‌లకు దూరంగా ఉండండి: సంపూర్ణేష్ బాబు (వీడియో)

ప్రస్తుతం యువతలో పెరుగుతున్న బెట్టింగ్ యాప్‌ల మోజు గురించి ప్రముఖ నటుడు సంపూర్ణేష్ బాబు కీలక వ్యాఖ్యలు చేశారు. ఇటీవల కాలంలో చాలా మంది యువకులు ఈ యాప్‌ల ప్రభావానికి లోనై తమ జీవితాలను నాశనం చేసుకుంటున్నారని ఆయన ఆందోళన వ్యక్తం చేశారు.

అలాంటివాటిని ప్రోత్సహించేవారు కొన్ని తప్పుడు ఆకర్షణలతో యువతను మభ్యపెడుతున్నారని సంపూర్ణేష్ బాబు తెలిపారు. "ఒకరు డబ్బులు సంపాదించొచ్చని, మరొకరు స్టేటస్ పెరుగుతుందని చెప్పి ఈ యాప్‌లను ప్రమోట్ చేస్తున్నారు. కానీ, వీటి అసలు దుష్ప్రభావాలను మనం గమనించాలి" అని అన్నారు.

బెట్టింగ్ వల్ల కొంతకాలం సంతోషం కలిగించినా, దీని ప్రభావం కుటుంబాలు విచ్చిన్నం కావడం, ఆర్థికంగా తీవ్ర నష్టాల్లో పడిపోవడం లాంటివిగా ఉంటాయని ఆయన హెచ్చరించారు. ఈ తరహా అలవాట్లు ఒకరిని కూడా మేలు చేయవని, దయచేసి యువత ఇలాంటి మోసపూరిత యాప్‌లకు దూరంగా ఉండాలని విజ్ఞప్తి చేశారు.

సంపూర్ణేష్ బాబు మాటలు నేటి యువతకు గమనించదగినవే. శ్రమించి సంపాదించే మార్గాలే నిజమైన విజయాన్ని అందిస్తాయని, అంతే తప్ప చట్టవిరుద్ధమైన, అనైతికమైన మార్గాల్లో ధనార్జన చేసేందుకు ప్రయత్నించడం చివరికి అపరిష్కారమైన సమస్యలను తెస్తుందని ఆయన సూచించారు.