20 వేలు లంచం తీసుకుంటూ ఎసిబికి చిక్కిన TGNPDCL సూపరింటెండింగ్ ఇంజనీర్‌

మహబూబాబాద్ జిల్లా: తెలంగాణ రాష్ట్రంలో అవినీతిని అణచివేయడంలో అనిశా అధికారులు మరో విజయాన్ని సాధించారు. మహబూబాబాద్ సర్కిల్‌లో పనిచేస్తున్న టి.జి.ఎన్.పి.డి.సి.ఎల్‌కి చెందిన ఆపరేషన్స్ విభాగంలో సూపరింటెండింగ్ ఇంజనీర్‌గా విధులు నిర్వహిస్తున్న జనగాం నరేష్ లంచం తీసుకుంటూ అనిశా అధికారులకు పట్టుబడ్డాడు.

ఫిర్యాదు వివరాలు:

కురవి మరియు మరిపెడ సబ్‌డివిజన్లకు సంబంధించిన ప్రస్తుత అంగీకార పత్రాల ఒప్పందాలను అలాగే కొనసాగించేందుకు అధికారికంగా సహాయం చేయాల్సిన సందర్భంలో, సంబంధిత బాధితుడి నుండి నరేష్ రూ.1,00,000 లంచం డిమాండ్ చేశాడు. ఇందులో భాగంగా ఇప్పటికే రూ.20,000 తీసుకున్న అతను, మిగిలిన రూ.80,000 తీసుకుంటుండగా అవినీతి నిరోధక శాఖ (ACB) అధికారులు అతనిని రెడ్ హ్యాండెడ్‌గా అరెస్టు చేశారు.

అధికారుల స్పందన:

అనిశా అధికారులు సీక్రెట్ ఆపరేషన్‌లో భాగంగా ఈ చర్యను చేపట్టి, అధికారికంగా నరేష్ పై కేసు నమోదు చేశారు. ప్రస్తుతం ఈ కేసు దర్యాప్తు జరుపుతున్నారు. ఇలా ప్రభుత్వ అధికారులచే ప్రజలకు అందించాల్సిన సేవలు, లంచాల పేరుతో అడ్డుకుంటున్న వారిపై కఠిన చర్యలు తీసుకుంటామని అనిశా అధికారులు హెచ్చరించారు.