మట్టి చేతుల్లో – దేశ ప్రేమ హృదయాల్లో” ఉద్యమం ప్రారంభం
గోదావరిఖని : పర్యావరణ పరిరక్షణతో పాటు దేశభక్తిని ప్రోత్సహించే పుణ్యకార్యానికి గోదావరిఖని వేదికైంది. “మట్టి చేతుల్లో – దేశ ప్రేమ హృదయాల్లో” అనే నినాదంతో జమాత్ ఏ ఇస్లామీ హింద్ అనుబంధ సంస్థ సీ.ఐ.ఓ – చిల్డ్రెన్స్ ఇస్లామిక్ ఆర్గనైజేషన్ ఆధ్వర్యంలో గ్రీన్ ఇండియా కోసం ఓ విస్తృత ఉద్యమం ప్రారంభమైంది. ఈ కార్యక్రమం జూన్ 25 నుండి జూలై 25 వరకు జరగనుంది.
ఈ ఉద్యమం ద్వారా దేశవ్యాప్తంగా 10 లక్షల మొక్కలు నాటి వాటి సంరక్షణ బాధ్యతను చిన్నారుల చేతుల్లో అప్పగించనున్నారు. ఈ ఉద్యమం చిన్నారుల మధ్య చైతన్యం, నాయకత్వ లక్షణాలు, సామాజిక బాధ్యత, ఇస్లామిక్ విలువలు, దేశసేవ వంటి అంశాలపై అవగాహన పెంపొందించడంలో సహాయపడుతుంది.
ఈ సందర్భంగా ఖాజీ ఇస్మాయిల్ నిజామీ పలు ముఖ్యమైన విషయాలను ప్రస్తావించారు:
- పర్యావరణ సమస్యలు తీవ్రమవుతున్నాయి: భూమి వేడెక్కుతోంది, చెట్లు నరికివేయడం, అడవుల కొరవడి, శుద్ధ గాలి లేకపోవడం వంటి పరిణామాల కారణంగా భవిష్యత్తు ప్రమాదంలో ఉంది.
- చెట్లు నాటడమే భవిష్యత్తుకు పెట్టుబడి: మన పాఠశాలలు, మదర్సాలు, మసీదులు, పార్కులు, పోలీస్ స్టేషన్లు, మునిసిపల్ కార్యాలయాలు, ఇంటి ప్రాంగణం – ప్రతిదానిలో మొక్కలు నాటాలి.
- చిన్నారుల క్రియాశీల పాత్ర: క్విజ్లు, డ్రాయింగ్ పోటీలు, ప్రసంగాలు, ప్రదర్శనలు వంటి కార్యాచరణలతో పిల్లల్ని ఆకట్టుకుంటూ, వాస్తవిక అవగాహన కల్పించనున్నారు.
"ప్రపంచం అంతమైపోతుందన్న వార్త తెలిసినా, మీ చేతిలో మొక్క ఉంటే దానిని నాటండి."ఇది చెట్లు నాటడంపై ఇస్లాం చూపే ప్రాముఖ్యతను తెలుపుతుందని ఆయన గుర్తుచేశారు.
ఈ ఉద్యమం పిల్లల చేతుల్లో మట్టిని పెట్టి – భవిష్యత్ భారత్కు ఆకుపచ్చ ఆశను పునఃప్రవేశపెట్టే ప్రయత్నంగా నిలుస్తోంది.
Post a Comment