రేపు చలో కలెక్టరేట్ జీఓ 252 సవరణ కోరుతూ 27న జిల్లా కలెక్టరేట్‌ల ముందు ధర్నా

తెలంగాణ ప్రభుత్వం ఇటీవల విడుదల చేసిన జీ.ఓ నెం.252ను వెంటనే సవరించాలని డిమాండ్ చేస్తూ, తెలంగాణ రాష్ట్ర వ్యాప్తంగా ఈ నెల 27న అన్ని జిల్లా కేంద్రాల్లో కలెక్టర్ కార్యాలయాల ముందు ధర్నాలు నిర్వహించనున్నట్లు తెలంగాణ యూనియన్ ఆఫ్ వర్కింగ్ జర్నలిస్ట్స్ (TUWJ) ప్రకటించింది.

రాష్ట్ర పిలుపులో భాగంగా రేపు నిర్వహించనున్న చలో కలెక్టరేట్ కార్యక్రమానికి జిల్లా అధ్యక్షులు కల్లోజీ శ్రీనివాస్ పిలుపునిచ్చారు. ఈ సందర్భంగా ఆయన మాట్లాడుతూ, జర్నలిస్టుల హక్కులకు భంగం కలిగించే విధంగా ఉన్న జీఓ 252ను ప్రభుత్వం తక్షణమే సవరించాలని డిమాండ్ చేశారు. ప్రభుత్వ వైఖరిలో మార్పు లేకపోతే, రాజ్యాంగం కల్పించిన హక్కు మేరకు ఉద్యమ కార్యక్రమాలకు శ్రీకారం చుడతామని హెచ్చరించారు.

రేపు కలెక్టరేట్ ముందు జరిగే ఆందోళన కార్యక్రమంలో జిల్లా వ్యాప్తంగా ఉన్న యూనియన్ రాష్ట్ర, జిల్లా నాయకులు, జిల్లా కమిటీ సభ్యులు, డెస్క్ జర్నలిస్టులు, సబ్ ఎడిటర్లు, ఫోటోగ్రాఫర్లు పెద్ద సంఖ్యలో పాల్గొని కార్యక్రమాన్ని విజయవంతం చేయాలని జిల్లా అధ్యక్షులు కల్లోజీ శ్రీనివాస్ (TUWJ H-143, TJF) కోరారు.