ప్రపంచ ర్యాపిడ్ చెస్లో తెలుగు తేజాల పతకాలు
హైదరాబాద్: 2025 ఫిడే ప్రపంచ ర్యాపిడ్ చెస్ ఛాంపియన్షిప్లో అద్భుతమైన ప్రదర్శన కనబర్చి దేశానికి గర్వకారణంగా నిలిచిన తెలుగు క్రీడాతేజాలు కోనేరు హంపి, అర్జున్ ఎరిగైసిలను ముఖ్యమంత్రి ఎ. రేవంత్ రెడ్డి హృదయపూర్వకంగా అభినందించారు.
పోలాండ్ రాజధాని వార్సా వేదికగా జరిగిన ఈ ప్రతిష్టాత్మక టోర్నీలో మహిళల విభాగంలో కోనేరు హంపి కాంస్య పతకాన్ని కైవసం చేసుకోగా, ఓపెన్ విభాగంలో తెలంగాణ యువ గ్రాండ్మాస్టర్ అర్జున్ ఎరిగైసి కాంస్య పతకం సాధించారు.
హంపి, అర్జున్లు తమ అసాధారణ నైపుణ్యం, అంకితభావం, పట్టుదలతో సాధించిన ఈ విజయం అంతర్జాతీయ చెస్లో భారతదేశ ప్రతిష్టను మరింత పెంచిందని ముఖ్యమంత్రి పేర్కొన్నారు. ఈ విజయాలు దేశవ్యాప్తంగా ఉన్న యువ క్రీడాకారులకు గొప్ప ప్రేరణగా నిలుస్తాయని తెలిపారు.
ఇద్దరు ఛాంపియన్లు భవిష్యత్తులో మరిన్ని అంతర్జాతీయ విజయాలు సాధించి దేశానికి మరింత పేరు తీసుకురావాలని సీఎం రేవంత్ రెడ్డి ఆకాంక్షించారు.
Post a Comment