మద్యం మత్తులో ముగ్గురు స్నేహితుల ఘర్షణ… కత్తులతో దాడి

గద్వాల, డిసెంబర్ 09, 2025: గద్వాల పట్టణంలోని కృష్ణవేణి చౌక్ వద్ద మద్యం మత్తులో ముగ్గురు స్నేహితుల మధ్య జరిగిన ఘర్షణ ఉద్రిక్తత రేపింది. వంశీ ఫోటో స్టూడియో సమీపంలో వంశీ, అరవింద్, వసంత్ అనే ముగ్గురు స్నేహితులు కలిసి మద్యం సేవించిన తరువాత పరస్పరం వాగ్వాదానికి దిగారు. చిన్నపాటి మాటభేధాలు పెద్ద దాడికి దారితీయగా, వారు కత్తులతో ఒకరిపై ఒకరు దాడి చేసుకున్నారు.

ఈ ఘటనలో ఇద్దరు తీవ్రంగా గాయపడగా, వారి ఆరోగ్య పరిస్థితి విషమంగా ఉండటంతో స్థానికులు వారిని వెంటనే కర్నూలు ప్రభుత్వ ఆసుపత్రికి తరలించారు. ప్రస్తుతం చికిత్స పొందుతున్న వారి పరిస్థితిపై వైద్యులు నిశితంగా పర్యవేక్షిస్తున్నారు.

సమాచారం చేరుకున్న పోలీసులు సంఘటన స్థలాన్ని పరిశీలించి కేసు నమోదు చేశారు. ఘర్షణకు దారి తీసిన కారణాలు, దాడిలో ఉపయోగించిన ఆయుధాలపై విచారణ కొనసాగుతోంది.