రేషన్కార్డు దారులకు అలర్ట్… త్వరపడండి!కేవైసీ (e-KYC) ప్రక్రియ తప్పనిసరి
డిసెంబర్ 11, 2025: రేషన్కార్డుదారులు తప్పనిసరిగా గమనించాల్సిన ముఖ్య సమాచారం. ఆహార భద్రతా కార్డులకు సంబంధించిన ఈ-కేవైసీ (e-KYC) ప్రక్రియను పౌర సరఫరాల శాఖ తప్పనిసరి చేసింది.
ప్రస్తుతం కొత్త రేషన్కార్డుల మంజూరు, అలాగే ప్రస్తుతం ఉన్న కార్డుల్లో కొత్త సభ్యుల చేర్పు కార్యక్రమాలు జరుగుతున్న నేపథ్యంలో, కొత్త సభ్యులు కూడా తప్పనిసరిగా ఈ-కేవైసీ చేయాల్సిందే అని అధికారులు స్పష్టం చేశారు.
కుటుంబ సభ్యులందరూ బయోమెట్రిక్ తప్పనిసరి
అధికారుల వివరాల ప్రకారం
✔️ కుటుంబ సభ్యులందరూ దగ్గరలోని రేషన్ దుకాణానికి వెళ్లాలి
✔️ అక్కడ ఉన్న ఈ-పాస్ యంత్రంలో వేలిముద్రల బయోమెట్రిక్ అప్డేట్ చేయించాలి
GHMC పరిధిలో ఇప్పటికే 85% పూర్తిచేసిన ఈ-కేవైసీ గ్రేటర్ హైదరాబాద్ పరిధిలో ఇప్పటికే 85% ఈ-కేవైసీ పూర్తి అయినట్లు సమాచారం. 20వ తేదీ చివరి గడువు – లేకపోతే రేషన్ నిలిపివేత
అధికారులు హెచ్చరించిన ప్రకారం—
👉 ఈ నెల 20లోగా ఈ-కేవైసీ పూర్తి చేయని రేషన్ యూనిట్లకు తాత్కాలికంగా రేషన్ సరఫరా నిలిపివేయబడుతుంది. అందువల్ల ఇప్పుడే సమీప రేషన్ దుకాణాన్ని సందర్శించి ఈ-కేవైసీ పూర్తి చేయడం మంచిది.
Post a Comment