10 వేలు లంచం తీసుకుంటూ ఏసీబికి చిక్కిన హౌసింగ్ ఏఈ

ఆదిలాబాద్, జనవరి 27: ఆదిలాబాద్ జిల్లా నార్నూర్ మండలంలోని గృహనిర్మాణ శాఖ కార్యాలయంలో పనిచేస్తున్న హౌసింగ్ అసిస్టెంట్ ఇంజనీర్ (అవుట్‌సోర్సింగ్) దుర్గం శ్రీకాంత్ లంచం కేసులో ఏసీబీ అధికారులకు చిక్కాడు.

ఇందిరమ్మ ఇళ్ల పథకం కింద ఫిర్యాదుదారుడి ఇంటి నిర్మాణానికి సంబంధించిన ఫోటోలను ఆన్‌లైన్‌లో అప్‌లోడ్ చేయడం, అలాగే నిర్మాణ బిల్లులు మంజూరు చేయడానికి రూ.10,000 లంచం ఇవ్వాలని దుర్గం శ్రీకాంత్ డిమాండ్ చేసినట్లు ఫిర్యాదు అందింది. ఈ నేపథ్యంలో పక్కా ప్రణాళికతో రంగంలోకి దిగిన తెలంగాణ అవినీతి నిరోధక శాఖ (ఏసీబీ) అధికారులు, లంచం తీసుకుంటున్న సమయంలోనే అతడిని రెడ్‌హ్యాండెడ్‌గా పట్టుకున్నారు.

ఈ ఘటనపై కేసు నమోదు చేసి తదుపరి విచారణ చేపట్టినట్లు ఏసీబీ అధికారులు తెలిపారు.