వివాహిత ఆత్మహత్య భర్త వేధింపులే కారణమని కుటుంబ సభ్యుల ఆరోపణ

సూర్యాపేట, జనవరి 12: సూర్యాపేట పట్టణంలో కుటుంబ కలహాల నేపథ్యంలో ఓ వివాహిత ఆత్మహత్యకు పాల్పడిన ఘటన కలకలం రేపింది. పట్టణంలోని డీమార్ట్ పక్కన ఉన్న ఓ సందులో నివాసం ఉంటున్న వివాహిత తన ఇంట్లో ఉరివేసుకుని ఆత్మహత్య చేసుకున్నట్లు సమాచారం.

మృతురాలి భర్త గత రెండేళ్లుగా కెనడాలో నివాసం ఉంటున్నాడని తెలుస్తోంది. ఇటీవల స్వగ్రామానికి వచ్చిన భర్త తిరుపతికి వెళ్లిన సమయంలో ఈ విషాద ఘటన చోటుచేసుకుంది.

భర్త వేధింపులు భరించలేకే ఆమె ఆత్మహత్యకు పాల్పడిందని మృతురాలి కుటుంబ సభ్యులు ఆరోపిస్తున్నారు. ఘటనపై సమాచారం అందుకున్న టౌన్ పోలీసులు సంఘటనా స్థలానికి చేరుకుని మృతదేహాన్ని పరిశీలించారు. అనంతరం కేసు నమోదు చేసి దర్యాప్తు ప్రారంభించినట్లు పోలీసులు తెలిపారు. ఈ ఘటనపై పూర్తి వివరాలు దర్యాప్తులో వెల్లడయ్యే అవకాశం ఉందని పోలీసులు పేర్కొన్నారు.