మహా శివరాత్రి సందర్భంగా సీఎం రేవంత్ రెడ్డి రాష్ట్ర ప్రజలకు శుభాకాంక్షలు

మహా శివరాత్రి పర్వదినాన్ని పురస్కరించుకుని తెలంగాణ ముఖ్యమంత్రి ఎ. రేవంత్ రెడ్డి రాష్ట్ర ప్రజలకు హృదయపూర్వక శుభాకాంక్షలు తెలిపారు. ఈ పవిత్ర దినాన పరమేశ్వరుని దివ్య ఆశీస్సులు, కరుణాకటాక్షాలు ప్రజలందరిపై ఎల్లప్పుడూ ఉండాలని ప్రార్థించారు.

భక్తి, నిష్ఠ, ధర్మపాలనతో జీవిస్తూ సమాజంలో సౌభ్రాతృత్వం, శాంతి, సౌఖ్యాలు విరాజిల్లాలని ముఖ్యమంత్రి ఆకాంక్షించారు. మహాదేవుని ఆశీస్సులతో రాష్ట్రం అభివృద్ధి పథంలో మరింత పురోగమించాలని, ప్రతి కుటుంబం సుఖశాంతులతో కళకళలాడాలని ఆయన అభిలషించారు.

మహా శివరాత్రి వంటి ఆధ్యాత్మిక పర్వదినాలు మనలో ఆత్మపరిశీలన, నీతిమంతమైన జీవనం, పరస్పర సహకారం వంటి విలువలను పెంపొందిస్తాయని సీఎం పేర్కొన్నారు. రాష్ట్ర ప్రజలు ఈ పర్వదినాన్ని భక్తి శ్రద్ధలతో జరుపుకోవాలని పిలుపునిచ్చారు.