కూకట్పల్లిలో వ్యభిచార ముఠా, నిర్వాహకులు, విటులు అరెస్ట్
హైదరాబాద్ నగరంలోని కూకట్పల్లి ప్రాంతంలో వ్యభిచారం నిర్వహిస్తున్న ముఠాను పోలీసులు పట్టుకున్నారు. గుట్టుచప్పుడు కాకుండా అపార్ట్మెంట్లలో వ్యభిచారం నిర్వహిస్తున్నారన్న పక్కా సమాచారంతో యాంటీ హ్యూమన్ ట్రాఫికింగ్ (AHT) పోలీసులు ఆకస్మికంగా దాడులు నిర్వహించారు.
పోలీసులు తెలిపిన వివరాల ప్రకారం.. కూకట్పల్లి పరిధిలోని సుమిత్రనగర్ ప్రాంతంలో వేర్వేరు అపార్ట్మెంట్లను అద్దెకు తీసుకుని కొంతకాలంగా గోప్యంగా వ్యభిచారం నిర్వహిస్తున్నట్లు సమాచారం అందింది. దీంతో అప్రమత్తమైన యాంటీ హ్యూమన్ ట్రాఫికింగ్ పోలీసులు ప్రత్యేక బృందాన్ని ఏర్పాటు చేసి పర్యవేక్షణ చేపట్టారు. అనంతరం పక్కా ఆధారాలు సేకరించి అపార్ట్మెంట్లపై ఆకస్మిక దాడులు నిర్వహించారు.
ఈ దాడుల్లో వ్యభిచారం నిర్వహిస్తున్న ఇద్దరు నిర్వాహకులను పోలీసులు అరెస్ట్ చేశారు. అదే సమయంలో అక్కడికి వచ్చిన ఇద్దరు విటులను కూడా అదుపులోకి తీసుకున్నారు. అలాగే వ్యభిచారానికి గురైన ఇద్దరు మహిళలను పోలీసులు రక్షించి ప్రభుత్వ సంరక్షణ గృహానికి (హోంకు) తరలించారు.
ఈ ఘటనపై కేసు నమోదు చేసిన పోలీసులు ముఠాకు సంబంధించిన ఇతర సభ్యులపై కూడా దర్యాప్తు కొనసాగిస్తున్నారు. నగరంలో ఇలాంటి అక్రమ కార్యకలాపాలు కొనసాగించేవారిపై కఠిన చర్యలు తీసుకుంటామని పోలీసులు హెచ్చరించారు.
Post a Comment