చైనా మాంజల విక్రయంపై పోలీసులు ప్రత్యేక దాడులు

  

భద్రాద్రి కొత్తగూడెం జిల్లా ఎస్పీ రోహిత్ రాజ్ IPS ఆదేశాల మేరకు, కొత్తగూడెం పట్టణంలో నిషేధిత చైనా మాంజల విక్రయంపై ప్రత్యేక డ్రైవ్ నిర్వహించారు. ఈరోజు కొత్తగూడెం 3 టౌన్ సీఐ K. శివ ప్రసాద్, SI లు B. పురుషోత్తం, G. మస్తాన్ లు సిబ్బందితో కలిసి చిన్న బజార్, పెద్ద బజార్ ప్రాంతాల్లో తనిఖీలు చేశారు.

దీని ఫలితంగా పెద్దబజార్ లోని పవన్ టైయర్స్ షాప్ లో 5-30 మాంజా బండిల్స్, 10 థ్రెడ్ రోల్స్ మరియు పవన్ జనరల్ మర్చంట్స్ షాప్ నుండి 14 బండిల్స్ ను గుర్తించి సీజ్ చేశారు. సీజ్ చేసిన మాంజల మొత్తం విలువ రూ.9100/- గా అంచనా వేయబడింది. నిందితులపై కేసు నమోదు చేసి తదుపరి చర్యలు చేపట్టారు.

నిందితుల వివరాలు:

1. కండేవాల పవన్, తండ్రి: ప్రభుదాయల్, వయస్సు: 35 సంవత్సరాలు, నివాసం: పెద్దబజార్, కొత్తగూడెం.

2. బ్రిజే కిషోర్ సాహు, తండ్రి: రామనాద్ సాహు, వయస్సు: 60 సంవత్సరాలు, నివాసం: పెద్దబజార్, కొత్తగూడెం.

ప్రమాదకరమైన చైనా మాంజపై ప్రభుత్వం నిషేధం:

ప్రజల ప్రాణాలకు, వాహనదారులకు, పక్షుల జీవనానికి ప్రమాదకరమైన చైనా మాంజపై ప్రభుత్వం నిషేధం విధించింది. చట్టాన్ని ఉల్లంఘించి వీటిని విక్రయిస్తే కఠిన చర్యలు తీసుకుంటామని పోలీసులు హెచ్చరించారు.