ఐటీఐలు దేశంలో నెంబర్ వన్ కావాలనే లక్ష్యంతో ముందుకు సాగుదాం – మంత్రి వివేక్ వెంకట స్వామి
తెలంగాణ కార్మిక, న్యాయ, క్రీడా శాఖల మంత్రి గడ్డం వివేక్ వెంకట స్వామి ఐటీఐ రంగంపై కీలక వ్యాఖ్యలు చేశారు. మంత్రిగా బాధ్యతలు చేపట్టిన తర్వాత తొలిసారిగా ఐటీఐ రంగంపై సమీక్ష నిర్వహించారు. ఈ సందర్భంగా ఆయన మాట్లాడుతూ, తమ నాన్నగారు కూడా కార్మికశాఖ మంత్రిగా ఉన్నప్పుడు ఐటీఐ రంగం అభివృద్ధిపై ప్రత్యేక దృష్టి పెట్టారని గుర్తు చేశారు.
🗣️ "నాకు ఈ అవకాశం రావడం గర్వకారణం" అని పేర్కొన్న ఆయన కీలక విషయాలు వెల్లడించారు:
📌 మద్ మర్రి ఐటీఐలో సదుపాయాల లేని పరిస్థితిని గుర్తించిన ఆయన, తగిన చర్యలు తీసుకుంటామని హామీ ఇచ్చారు. "అన్ని ఐటీఐలకు అవసరమైన సదుపాయాలు కల్పించేందుకు కృషి చేస్తాను" అని మంత్రి అన్నారు.
🚀 అన్ని ఐటీఐలను స్వయంగా సందర్శిస్తానని, కేంద్ర ప్రభుత్వ నిధుల కోసం కూడా కృషి చేస్తానని చెప్పారు. "మరింత మెరుగైన స్కిల్ డెవలప్మెంట్ కోసం ₹4000 కోట్ల బడ్జెట్ అవసరం ఉంది. దీనిపై ముఖ్యమంత్రితో చర్చించి అవసరమైన నిధులు తెచ్చే ప్రయత్నం చేస్తాను" అన్నారు.
📞 “మీకు నేను ఎప్పుడూ అందుబాటులో ఉంటాను” అని చెప్పిన మంత్రి, ప్రభుత్వంపై పూర్తి నమ్మకం ఉంచాలని ప్రజలను కోరారు.
Post a Comment