నేటి నుంచే నోబెల్ బహుమతి విజేతల ప్రకటన!
హైదరాబాద్ : అక్టోబర్ 06: ప్రపంచంలో అత్యంత ప్రతిష్టాత్మకమైన నోబెల్ బహుమతులు ఈరోజు నుండి అక్టోబర్ 13 వరకు దశలవారీగా ప్రకటించబోతున్నారు. మొత్తం ఆరు విభాగాల్లో — రసాయన శాస్త్రం, భౌతిక శాస్త్రం, సాహిత్యం, శాంతి, ఆర్థికశాస్త్రం, మెడిసిన్ రంగాల్లో విశిష్ట కృషి చేసిన వారిని ఎంపిక చేయనున్నారు.
విజేతల పేర్లను వాలెన్‌బర్గ్‌సాలెన్‌లోని కరోలిన్స్కా ఇన్‌స్టిట్యూట్‌లో నోబెల్ అసెంబ్లీ అధికారికంగా ప్రకటిస్తుంది. తరువాత భౌతిక శాస్త్రం విభాగం విజేతలను స్టాక్‌హోమ్‌లోని రాయల్ స్వీడిష్ అకాడమీ ఆఫ్ సైన్సెస్, సాహిత్య విభాగంలో విజేతను అక్టోబర్ 9న స్టాక్‌హోమ్ నుంచి ప్రకటించనున్నారు. అక్టోబర్ 10న నోబెల్ శాంతి బహుమతి విజేత పేరు వెల్లడించనుంది నార్వేజియన్ నోబెల్ కమిటీ.
డిసెంబర్ 10న నోబెల్ దినోత్సవం
ప్రఖ్యాత శాస్త్రవేత్త ఆల్ఫ్రెడ్ నోబెల్ మరణానంతరం ఆయన స్మారకార్థం ఈ అవార్డులు ప్రారంభమయ్యాయి. ప్రతి ఏడాది డిసెంబర్ 10న నోబెల్ దినోత్సవం జరుపుకుంటారు. అదే రోజు అవార్డులను ప్రదానం చేస్తారు.
నోబెల్ ఆశలపై ట్రంప్ కన్ను
అమెరికా మాజీ అధ్యక్షుడు డొనాల్డ్ ట్రంప్ ఈసారి నోబెల్ శాంతి బహుమతిపై దృష్టి పెట్టారు. “తానే శాంతిదూత” అని పలుమార్లు ప్రకటించిన ఆయన, అధికారం చేపట్టిన తొమ్మిది నెలల్లో ఏడు యుద్ధాలను ఆపానని గొప్పలుపోతున్నారు. పాకిస్తాన్, ఇజ్రాయెల్ దేశాధినేతలు ఆయనను నోబెల్ పీస్ ప్రైజ్‌కు నామినేట్ చేసినట్టు సమాచారం.
ఇజ్రాయెల్–అరబ్ దేశాల మధ్య ఆబ్రహం ఒప్పందం, కాంగో–రువాండా రెబల్స్, థాయిలాండ్–కంబోడియా ఘర్షణలు వంటి సమస్యలను పరిష్కరించానని ట్రంప్ చెప్పుకుంటున్నారు. భారత్–పాకిస్తాన్ మధ్య సీజ్‌ఫైర్ సాధించానని కూడా ఆయన చేసిన వ్యాఖ్యలు వివాదాస్పదమయ్యాయి. భారత్ ఆ వ్యాఖ్యలను ఖండించింది.
ఇటీవల గాజా శాంతి ప్రతిపాదనలో కూడా ట్రంప్ దళం ప్రయత్నాలు కొనసాగిస్తోంది. హమాస్ ఉగ్రవాదులను ఒప్పందం వైపు మళ్లించాలనే ప్రయత్నంలో ఉన్నారని సమాచారం. అక్టోబర్ 10న శాంతి బహుమతి ప్రకటించబడనున్న నేపథ్యంలో ట్రంప్ ప్రయత్నాలు వేగం పుంజుకోవడం ఆసక్తికరంగా మారింది.
నిపుణుల సందేహం
అయితే, అంతర్జాతీయ నిపుణులు మాత్రం ట్రంప్ చేసిన ప్రయత్నాలు “చిన్నస్థాయి ప్రయత్నాలే” అని, కొన్నింటిలో ఆయన పాత్ర పరిమితమో లేక లేనట్టే అని వ్యాఖ్యానిస్తున్నారు. ప్రస్తుతం ఇజ్రాయెల్–హమాస్, రష్యా–ఉక్రెయిన్ యుద్ధాలు కొనసాగుతుండగా, వాటిని ఆపుతానన్న ట్రంప్ ప్రకటనలు ప్రతిఫలం చూపలేదని విశ్లేషకులు అంటున్నారు.
Post a Comment