హైదరాబాద్‌లో నకిలీ లేడీ కానిస్టేబుల్ వ్యవహారం కలకలం
హైదరాబాద్‌ నగరంలో నకిలీ లేడీ కానిస్టేబుల్ వ్యవహారం కలకలం రేపింది. మేడ్చల్‌ జిల్లాకు చెందిన ఉమాభారతి (21) అనే యువతి నిజమైన పోలీస్ ఉద్యోగం లేకపోయినా ఖాకీ దుస్తులు ధరించి, అసలైన అధికారిగా వ్యవహరించిన విషయం వెలుగులోకి వచ్చింది.
వివరాల్లోకి వెళ్తే—ఉమాభారతి గత కొంతకాలంగా పోలీస్ వ్యవహారాలపై మోజుతో సచివాలయం, వీఐపీ మీటింగ్‌లు, అలాగే ఖైరతాబాద్ గణేష్ ఉత్సవాల బందోబస్తులో సైతం పాల్గొంటూ వచ్చిందని దర్యాప్తులో బయటపడింది. ఆమె అక్కడి సిబ్బందితో కలిసి పనిచేసినట్లు కనిపించడంతో ఎవరూ అనుమానం పెట్టలేదు.
అయితే నవంబర్ 21న సైబరాబాద్ సీపీ కార్యాలయంలో ఆమె ప్రవర్తనపై అధికారులకు అనుమానం రావడంతో ప్రశ్నించగా, ఆమె నిజానికి పోలీస్ ఉద్యోగంలో లేనట్లు తెలిసింది. వెంటనే ఈ విషయం పై ఉన్నతాధికారులు దర్యాప్తు ఆదేశించగా, నిజాలు బయటపడ్డాయి.
ఈ ఘటనపై మాదాపూర్ పోలీసులు చర్యలకు దిగారు. నకిలీ పోలీస్ వేషం వేసి విధులు నిర్వర్తించినందుకు ఆమెను అరెస్ట్ చేసి, తదుపరి విచారణ కోసం కేసును జీడిమెట్ల పోలీస్ స్టేషన్‌కు బదిలీ చేశారు.
ఈ సంఘటన నగర పోలీస్ వ్యవస్థలో భద్రతా ప్రమాణాలపై ప్రశ్నలు లేపుతున్నట్లు విశ్లేషకులు పేర్కొంటున్నారు.
Post a Comment