మంచిర్యాల జిల్లాలో ఘోర రోడ్డు ప్రమాదం ముగ్గురు మృతి.. 15 మందికి తీవ్ర గాయాలు

మంచిర్యాల: జిల్లాలో సోమవారం ఉదయం ఘోర రోడ్డు ప్రమాదం చోటుచేసుకుంది. జైపూర్ మండలం ఇందారం గ్రామ సమీపంలో కూలీలను తరలిస్తున్న బోలెరో వాహనాన్ని లారీ ఢీకొట్టిన ఘటనలో ముగ్గురు అక్కడికక్కడే మృతి చెందారు. మరో 15 మంది తీవ్రంగా గాయపడ్డారు.

ప్రమాద సమాచారం అందుకున్న పోలీసులు వెంటనే సంఘటన స్థలానికి చేరుకుని, గాయపడిన వారిని సమీప ఆసుపత్రికి తరలించారు. క్షతగాత్రుల్లో పలువురి పరిస్థితి విషమంగా ఉన్నట్లు వైద్యులు తెలిపారు.

ప్రత్యక్ష సాక్షుల కథనం ప్రకారం, రోడ్డుపై ఆగి ఉన్న లారీని బోలెరో వాహనం ఢీకొట్టడంతో ఈ ప్రమాదం జరిగినట్లు తెలుస్తోంది. అయితే ప్రమాదానికి గల అసలు కారణాలపై పోలీసులు విచారణ చేపట్టారు. కేసు నమోదు చేసి దర్యాప్తు కొనసాగిస్తున్నారు.