50 వేలు లంచం తీసుకుంటూ ఏసీబికి చిక్కిన దేవాదాయ శాఖ ఇన్స్పెక్టర్

సర్వే నివేదిక పేరుతో రూ.1.50 లక్షల లంచం డిమాండ్

హైదరాబాద్, జనవరి 07: ఫిర్యాదుదారునికి సంబంధించిన హైదరాబాద్‌లోని ఒక సర్వే నంబర్ భూమి సర్వే నివేదికను అందించేందుకు లంచం డిమాండ్ చేసిన దేవాదాయ శాఖ అధికారి తెలంగాణ అవినీతినిరోధక శాఖ (ACB) అధికారులకు పట్టుబడ్డాడు.

తెలంగాణ దేవాదాయ కమిషనర్ కార్యాలయంలోని సహాయ కమిషనర్ కార్యాలయంలో పని చేస్తున్న దేవాదాయ ఇన్స్పెక్టర్ ఆకవరం కిరణ్ కుమార్ సర్వే నివేదిక అందించడానికి ఫిర్యాదుదారుని నుంచి రూ.1,50,000/- లంచం డిమాండ్ చేశాడని ACB అధికారులు తెలిపారు. డిమాండ్ చేసిన మొత్తం లో భాగంగా రూ.50,000/-ను లంచంగా తీసుకుంటున్న సమయంలో ACB అధికారులు అతడిని రెడ్‌హ్యాండెడ్‌గా పట్టుకున్నారు.

ఈ ఘటనపై కేసు నమోదు చేసి, నిందితుడిపై చట్టప్రకారం చర్యలు చేపడుతున్నట్లు ACB అధికారులు వెల్లడించారు. ఈ వ్యవహారంపై మరింత దర్యాప్తు కొనసాగుతోందని తెలిపారు.