తల్లిని చంపి ఇంట్లో పాతిపెట్టిన కూతురు, అల్లుడు

 

Hyderabad నగరంలోని అల్వాల్ ప్రాంతంలో హృదయ విదారక ఘటన వెలుగులోకి వచ్చింది. ఏడాది క్రితం అదృశ్యమైన మహిళ హత్యకు గురై, ఇంట్లోనే పాతిపెట్టినట్లు పోలీసులు గుర్తించారు.

పోలీసుల వివరాల ప్రకారం, అంజు అనే మహిళ ఏడాది క్రితం అనుమానాస్పదంగా కనిపించకుండా పోయింది. ఆమె గల్లంతైన విషయంపై పెద్ద కూతురు అప్పట్లో పోలీసులకు ఫిర్యాదు చేసింది. అయితే చిన్న కూతురు, అల్లుడు అప్పట్లో వివిధ కట్టుకథలు చెబుతూ కేసును మళ్లించేందుకు ప్రయత్నించినట్లు తెలుస్తోంది.

ఇటీవల కేసును మళ్లీ పరిశీలించిన పోలీసులు అనుమానాస్పద పరిస్థితులను గమనించి విచారణను వేగవంతం చేశారు. దర్యాప్తులో భాగంగా చిన్న కూతురు, ఆమె భర్తపై అనుమానం బలపడింది.

తదుపరి విచారణలో ఇద్దరూ కలిసి అంజును హత్య చేసి, ఇంట్లోనే పూడ్చిపెట్టినట్లు ఒప్పుకున్నట్లు పోలీసులు వెల్లడించారు. దీంతో వారిని అదుపులోకి తీసుకుని విచారణ కొనసాగిస్తున్నారు. ఈ ఘటన స్థానికంగా తీవ్ర సంచలనం రేపగా, పూర్తి వివరాలు వెలుగులోకి రావాల్సి ఉంది.