మధిర నియోజకవర్గంలో అభివృద్ధి పనులకు శంకుస్థాపనలు ఉప ముఖ్యమంత్రి భట్టి విక్రమార్క

మధిర నియోజకవర్గం ముదిగొండ మండలంలోని వెంకటాపురం, పమ్మి, సువర్ణపురం గ్రామాల్లో పలు అభివృద్ధి కార్యక్రమాలకు ఉప ముఖ్యమంత్రి భట్టి విక్రమార్క శంకుస్థాపనలు చేశారు. గ్రామీణ ప్రాంతాల సమగ్ర అభివృద్ధి దిశగా ప్రభుత్వం కట్టుబడి ఉందని ఆయన తెలిపారు.

ఈ సందర్భంగా ఆయన మాట్లాడుతూ, గ్రామాల్లో మౌలిక సదుపాయాల అభివృద్ధికి ప్రత్యేక ప్రాధాన్యం ఇస్తున్నామని చెప్పారు. మట్టి రోడ్లు పూర్తిగా తొలగించి, అద్దంలాంటి పక్కా రహదారులు ఏర్పాటు చేయడమే లక్ష్యమని వివరించారు. ప్రతి పల్లె అభివృద్ధి పథంలో ముందుకు సాగాలని ప్రభుత్వం కృషి చేస్తోందన్నారు.

అధికారం అనేది హోదా కాదని, ప్రజలకు సేవ చేసే గొప్ప అవకాశమని భట్టి విక్రమార్క పేర్కొన్నారు. ప్రజల నమ్మకాన్ని నిలబెట్టుకుంటూ మధిర ప్రాంతాన్ని అభివృద్ధికి చిరునామాగా తీర్చిదిద్దుతానని హామీ ఇచ్చారు. ప్రజల ఆశీస్సులు, సహకారం ఎల్లప్పుడూ కొనసాగాలని కోరుకున్నారు.