50 వేలు లంచం తీసుకుంటూ ఏసీబికి చిక్కిన మున్సిపాలిటీ అసిస్టెంట్ ఇంజనీర్
2026 ఏప్రిల్ 15న: హుజూరాబాద్ మున్సిపాలిటీలో మున్సిపల్ అడ్మినిస్ట్రేషన్ విభాగంలో పనిచేస్తున్న అసిస్టెంట్ ఇంజనీర్ నుసుం సుధాకర్ రెడ్డి ని కరీంనగర్ ఏసీబీ అధికారులు లంచం తీసుకుంటూ రెడ్ హ్యాండెడ్గా పట్టుకున్నారు.
ఫిర్యాదుదారుని నుంచి రూ.50,000 లంచం డిమాండ్ చేసి స్వీకరించిన సమయంలో, హుజూరాబాద్ RTC డిపో చౌరస్తాలో ఏసీబీ అధికారులు ఆయనను పట్టుకున్నారు.
ఈ లంచం, ఫిర్యాదుదారు చేసిన స్టార్మ్ వాటర్ డ్రెయిన్ పనులకు సంబంధించిన మెజర్మెంట్ బుక్ నమోదు చేయడం మరియు ఫైనల్ బిల్ ప్రాసెస్ చేయడం కోసం తీసుకున్నట్టు వెల్లడైంది.
లంచం మొత్తం నిందితుడి వద్ద నుంచి స్వాధీనం చేసుకున్నారు. ఈ చర్యల ద్వారా అతను తన అధికారాలను దుర్వినియోగం చేసి అక్రమ లాభం పొందాలని ప్రయత్నించినట్టు అధికారులు తెలిపారు.
ప్రస్తుతం నిందితుడిని అరెస్ట్ చేసి కరీంనగర్లోని స్పెషల్ జడ్జి (SPE & ACB కేసులు) ఎదుట హాజరుపరుస్తున్నారు. కేసు విచారణలో ఉంది. భద్రత కారణాల వల్ల ఫిర్యాదుదారుడి వివరాలను వెల్లడించలేదు.
లంచం డిమాండ్ అయితే – 1064కు కాల్ చేయండి
Post a Comment