నిర్మల్ జిల్లాలో విషాదం.. బోరిగావ్ సర్పంచ్ పల్లె జ్యోతి ఆత్మహత్య

 

నిర్మల్ జిల్లాలో విషాదం.. బోరిగావ్ సర్పంచ్ పల్లె జ్యోతి ఆత్మహత్య

నిర్మల్, జూలై 14: నిర్మల్ జిల్లా తానూర్ మండలం బోరిగావ్ గ్రామంలో విషాదం చోటుచేసుకుంది. గ్రామ సర్పంచ్ పల్లె జ్యోతి సోమవారం తన నివాసంలో ఉరేసుకుని ఆత్మహత్య చేసుకున్నారు.

సమాచారం అందుకున్న పోలీసులు వెంటనే ఘటనాస్థలానికి చేరుకుని ఆధారాలు సేకరించారు. అనంతరం మృతదేహాన్ని పోస్టుమార్టం నిమిత్తం ఆసుపత్రికి తరలించారు.

ఆత్మహత్యకు గల కారణాలపై పోలీసులు దర్యాప్తు చేపట్టారు. ఆర్థిక ఇబ్బందులు, కుటుంబ సమస్యలు లేదా ఇతర కారణాలేమైనా ఉన్నాయా అనే కోణంలో విచారణ కొనసాగుతోంది. కేసు నమోదు చేసి అన్ని అంశాలను పరిశీలిస్తున్నట్లు పోలీసులు తెలిపారు.

ఈ ఘటనతో బోరిగావ్ గ్రామంలో విషాద ఛాయలు అలుముకున్నాయి. స్థానికులు, ప్రజాప్రతినిధులు సర్పంచ్ పల్లె జ్యోతి మృతికి సంతాపం వ్యక్తం చేశారు.