ప్రజా సమస్యల పరిష్కారంలో మెదక్ ఎస్పీ తక్షణ స్పందన దెబ్బతిన్న రహదారికి మరమ్మతులు

 ప్రజా సమస్యల పరిష్కారంలో మెదక్ ఎస్పీ తక్షణ స్పందన దెబ్బతిన్న రహదారికి మరమ్మతులు

“ప్రజా సమస్యలను గుర్తించి, సత్వరమే స్పందించి పరిష్కరించడమే మా బాధ్యత” అని మెదక్ జిల్లా ఎస్పీ డి.వి. శ్రీనివాసరావు, ఐపీఎస్ పేర్కొన్నారు. ప్రజా భద్రత, సంక్షేమం విషయంలో మెదక్ జిల్లా పోలీసులు ఎల్లప్పుడూ ప్రజలకు అందుబాటులో ఉంటారని తెలిపారు.

కొత్తపల్లి బ్రిడ్జి వద్ద దెబ్బతిన్న రహదారికి మరమ్మతులు

పాపన్నపేటకు వెళ్లే మార్గంలోని కొత్తపల్లి బ్రిడ్జి సమీపంలో రహదారి దెబ్బతినడంతో కొంతకాలంగా ప్రయాణికులు, గ్రామస్తులు తీవ్ర ఇబ్బందులు ఎదుర్కొంటున్నారు. ముఖ్యంగా వర్షాల సమయంలో రహదారి పరిస్థితి మరింత అధ్వానంగా మారి రాకపోకలకు ఆటంకాలు ఏర్పడుతున్నాయి.

ఈ సమస్యను ప్రజల నుంచి తెలుసుకున్న మెదక్ జిల్లా ఎస్పీ డి.వి. శ్రీనివాసరావు, ఐపీఎస్ వెంటనే స్పందించారు. సంబంధిత అధికారులతో సమన్వయం చేసి రహదారి మరమ్మతులు చేపట్టేలా చర్యలు తీసుకున్నారు. దీంతో దెబ్బతిన్న రహదారికి మరమ్మతులు పూర్తై, ప్రయాణికులు, స్థానిక గ్రామాల ప్రజలకు ఉపశమనం లభించింది.

ప్రజలు ఎదుర్కొంటున్న సమస్యలపై పోలీసులు కేవలం శాంతిభద్రతల పరిరక్షణకే పరిమితం కాకుండా, ప్రజలకు అవసరమైన సందర్భాల్లో తక్షణమే స్పందించి పరిష్కారం చూపుతున్నారని ఈ ఘటనకు స్థానికుల నుంచి ప్రశంసలు వెల్లువెత్తుతున్నాయి.

ప్రజల సమస్యలను తమ దృష్టికి తీసుకువస్తే వాటిని సంబంధిత శాఖల దృష్టికి తీసుకెళ్లి పరిష్కారానికి కృషి చేస్తామని ఎస్పీ శ్రీనివాసరావు స్పష్టం చేశారు. ప్రజల భద్రత, సంక్షేమమే మెదక్ జిల్లా పోలీసుల ప్రధాన లక్ష్యమని ఆయన పేర్కొన్నారు.