వర్షాకాలం నేపథ్యంలో వరదలపై సమీక్షా సమావేశం డిప్యూటీ సీఎం భట్టి విక్రమార్క్

ఖమ్మం/కొత్తగూడెం, వర్షాకాలం నేపథ్యంలో రాష్ట్ర ఉపముఖ్యమంత్రి  భట్టి విక్రమార్క్‌ ఖమ్మం, భద్రాద్రి కొత్తగూడెం జిల్లాల్లో వరదల పరిస్థితిపై సమీక్ష నిర్వహించారు. జిల్లాలోని అధికారులతో పాటు స్థానిక ప్రజాప్రతినిధుల సమక్షంలో జరిగిన ఈ సమీక్ష సమావేశంలో వరద ప్రభావిత ప్రాంతాల్లో తీసుకుంటున్న సహాయక చర్యలు, అత్యవసర సేవల అందుబాటుపై సమగ్రమైన చర్చ జరిగింది.

ఈ సమావేశంలో ఖమ్మం జిల్లా ఇన్‌ఛార్జి మంత్రి వాకాటి శ్రీహరి, రాష్ట్ర మంత్రులు తుమ్మల నాగేశ్వరరావు, పొంగులేటి శ్రీనివాస్ రెడ్డి, స్థానిక ఎంపీలు, ఎమ్మెల్యేలు తదితరులు పాల్గొన్నారు.

డిప్యూటీ సీఎం భట్టి మాట్లాడుతూ,

“ప్రజల రక్షణే ప్రభుత్వ ధ్యేయం. వరదలు పూర్తిగా తగ్గే వరకు కంట్రోల్ రూమ్‌లు 24 గంటలూ పనిచేయాలి. ప్రతి కుటుంబానికి భద్రత కల్పించడంలో నిర్లక్ష్యం చోటుచేసుకోరాదు” అని అధికారులను ఆదేశించారు.

ముఖ్య సూచనలు – కీలక నిర్ణయాలు:

🔸 ఆర్‌ఓఎఫ్‌ఆర్ భూముల్లోకి ఫారెస్ట్, పోలీస్ అధికారులు ప్రవేశించకూడదని భట్టి స్పష్టం చేశారు. గిరిజనుల హక్కుల పరిరక్షణకు కట్టుబడి ఉన్నామని పేర్కొన్నారు.

🔸 గిరిజన రైతుల అభివృద్ధికి ₹12,600 కోట్లతో "ఇందిరా సౌర గిరి జల వికాసం" పథకం అమలు చేస్తున్నామని, సోలార్ పంపులు, డ్రిప్పులు, స్ప్రింక్లర్లు, ఉద్యాన పంటల పథకాలను ఉచితంగా అందిస్తున్నామన్నారు.

🔸 మహిళా సంఘాల ద్వారా చేపకల పెంపక అభివృద్ధి కోసం ప్రత్యేక ప్రణాళికలు సిద్ధం చేసినట్టు వెల్లడించారు.

🔸 యూరియాపై ఎటువంటి కొరత లేదని, డిమాండ్ మేరకు సరఫరా జరుగుతోందని భరోసా ఇచ్చారు.

🔸 ఇందిరమ్మ ఇళ్ల పథకం కింద ₹22,500 కోట్లతో 6.5 లక్షల ఇళ్ల నిర్మాణం మొదలైందని తెలిపారు.

🔸 గ్రామీణ విద్యుత్ వినియోగదారుల కోసం 200 యూనిట్ల వరకు ఉచిత విద్యుత్, దీని వల్ల 85% కుటుంబాలకు లాభం చేకూరుతుందన్నారు.

🔸 ఆరోగ్యశ్రీ పరిమితిని ₹10 లక్షల వరకూ పెంచినట్టు, ఎటువంటి ఇబ్బందులు ఎదురైనా జిల్లా కలెక్టర్లను సంప్రదించాల్సిందిగా సూచించారు.

🔸 ఉచిత బస్సు ప్రయాణ పథకానికి RTCకి ఇప్పటివరకు ₹6,880 కోట్లు చెల్లించామని పేర్కొన్నారు.

🔸 గత వనమహోత్సవాల్లో నాటిన ప్రతి మొక్క వివరాలు సమర్పించాలని, వాటిపై సమగ్ర మానిటరింగ్ అవసరమన్నారు.

🔸 ప్రతి నియోజకవర్గంలో 25 ఎకరాల్లో "యంగ్ ఇండియా ఇంటిగ్రేటెడ్ రెసిడెన్షియల్ స్కూల్స్" నిర్మిస్తున్నామని వెల్లడించారు.

సమీక్షలో పాల్గొన్న ప్రజాప్రతినిధులు, అధికారులు వరదలపై తాజా పరిస్థితిని, ఎలాంటి సవాళ్లు ఎదురవుతున్నాయన్న విషయాలను వివరించారు. భట్టి విక్రమార్క్ సానుభూతితో స్పందించి, అవసరమైన అన్ని సహాయ చర్యలు వేగంగా చేపట్టాలని హామీ ఇచ్చారు.

ప్రజల ప్రాణాలు, ఆస్తులే ప్రధానం. అప్రమత్తత, సమర్థత, సమన్వయమే ప్రభుత్వ ధ్యేయం అని డిప్యూటీ సీఎం స్పష్టం చేశారు.