నలుగురు గంజాయి స్మగ్లర్లను అరెస్ట్‌ చేసిన హనుమకొండ పోలీసులు
హనుమకొండ పోలీసులు, తెలంగాణ యాంటీ నార్కొటిక్స్‌ డ్రగ్స్‌ కంట్రోల్‌ టీం సంయుక్తంగా శుక్రవారం పెద్ద ఎత్తున ఆపరేషన్‌ నిర్వహించి నలుగురు గంజాయి స్మగ్లర్లను అరెస్ట్‌ చేశారు.
హనుమకొండ పోలీస్‌స్టేషన్‌ ఆవరణలో ఏర్పాటు చేసిన విలేకరుల సమావేశంలో ఏసీపీ నరసింహారావు వివరాలు వెల్లడించారు. ఆయన తెలిపిన ప్రకారం – శుక్రవారం ఉదయం ప్రత్యేక సమాచారంతో నార్కొటిక్స్‌ సీఐ శ్రీకాంత్, ఎస్సై సీహెచ్‌ పరుశురాములు బృందంతో కలిసి కుమార్‌పల్లిలోని సెయింట్‌ జోసెఫ్‌ స్కూల్‌ దగ్గర తనిఖీలు జరిపారు. ఈ సమయంలో కారులో గంజాయి తరలిస్తున్న నిందితులను అదుపులోకి తీసుకున్నారు.
అరెస్టయినవారు –
- కరీంనగర్‌కు చెందిన ఎండీ పైజాన్, ఎస్‌డీ అన్సార్, ఎండీ అర్బాన్,
- హనుమకొండ కుమార్‌పల్లికి చెందిన అర్షద్‌ అలీఖాన్.
వీరి వద్ద నుంచి 25 కిలోల 800 గ్రాముల ఎండు గంజాయి, ఒక కారు, ఐదు సెల్‌ఫోన్లు స్వాధీనం చేసుకున్నట్లు ఏసీపీ తెలిపారు.
నిందితులు ఆంధ్రప్రదేశ్‌-ఒడిశా సరిహద్దులోని బాలు అనే వ్యక్తి నుంచి గంజాయి కొనుగోలు చేసి, హనుమకొండ కుమార్‌పల్లిలో అర్షద్‌ అలీఖాన్ ఇంట్లో డంప్‌ చేసి, అక్కడి నుంచి అవసరమైన వారికి విక్రయిస్తారని చెప్పారు. ఈ క్రమంలో గంజాయి తరలిస్తూ పోలీసులకు పట్టుబడ్డారని వివరించారు.
నిందితులను హనుమకొండ పోలీస్‌స్టేషన్‌ ఇన్‌స్పెక్టర్‌ మచ్చ శివకుమార్ కేసు నమోదు చేసి, కోర్టులో హాజరుపరిచి రిమాండ్‌కు తరలించారు.
ఈ కార్యక్రమంలో యాంటీ నార్కొటిక్‌ డ్రగ్స్‌ కంట్రోల్‌ టీం అధికారులు, హనుమకొండ పోలీస్‌స్టేషన్‌ సిబ్బంది పాల్గొన్నారు.
స్వాధీనం చేసుకున్నవి :
- 25 కిలోల 800 గ్రాముల గంజాయి
- కారు
- ఐదు సెల్‌ఫోన్లు
👉 వివరాలు వెల్లడించిన ఏసీపీ నరసింహారావు.
Post a Comment