గోడ కూలి ఏడుగురి మృతి ఇద్దరు మహిళలు, ఇద్దరు చిన్నారులు

దేశ రాజధాని ఢిల్లీలో కురుస్తున్న భారీ వర్షాలు ప్రాణాలను బలిగొన్నాయి. హరినగర్‌లోని జైత్‌పూర్ ప్రాంతంలో పాత ఆలయం పక్కన ఉన్న జగ్గీలకు ఆనుకొని ఉన్న గోడ కూలిపోవడంతో ఏడుగురు దుర్మరణం పాలయ్యారు. మృతుల్లో ఇద్దరు మహిళలు, ఇద్దరు చిన్నారులు ఉన్నారు.

శుక్రవారం రాత్రి నుండి కురుస్తున్న అతి భారీ వర్షాల కారణంగా ఈ దుర్ఘటన జరిగింది. ప్రమాద సమాచారం అందుకున్న వెంటనే ఢిల్లీ అగ్నిమాపక సిబ్బంది, రెస్క్యూ బృందాలు సంఘటనా స్థలానికి చేరుకొని ఎనిమిది మందిని సురక్షితంగా బయటకు తీశారు. తీవ్రంగా గాయపడ్డ నలుగురిని తక్షణమే ఆసుపత్రికి తరలించారు.

మృతుల వివరాలు:

షబీబుల్ (30)
రబీబుల్ (30)
అలీ (45)
రుబినా (25)
డాలీ (25)
రుక్సానా (6)
హసీనా (7)

సౌత్ ఈస్ట్ అదనపు డీసీపీ ఐశ్వర్య శర్మ మాట్లాడుతూ, భవిష్యత్తులో ఇలాంటి ప్రమాదాలు జరగకుండా జగ్గీలను ఖాళీ చేయించామని తెలిపారు.

గత పది రోజుల క్రితం సివిల్ లైన్స్‌లో నిర్మాణంలో ఉన్న భవనం కూలిపోవడంతో ఇద్దరు మృతి చెందిన ఘటన తరువాత మరోసారి ఢిల్లీ వర్షాల బీభత్సాన్ని చూశింది.

వర్షాల తీవ్రత:

సఫ్దర్‌జంగ్ – 78.7 మి.మీ.
ప్రగతి మైదాన్ – 100 మి.మీ.
లోధి రోడ్ – 80 మి.మీ.
పూసా – 69 మి.మీ.
పాళం – 31.8 మి.మీ.

వర్షాల ప్రభావంతో యమునా నది నీటి మట్టం ప్రమాదకర స్థాయి 204.50 మీటర్లకు చేరుకుంది. ఉదయం 9 గంటల సమయానికి ఓల్డ్ రైల్వే వంతెన వద్ద నీటి మట్టం 204.40 మీటర్లు నమోదైంది. రెడ్ అలర్ట్ జారీ చేసిన వాతావరణ శాఖ, పరిస్థితిని అధికారులు ఎప్పటికప్పుడు పర్యవేక్షిస్తున్నారు.