హైదరాబాద్ ఔటర్ రింగ్ రోడ్డుపై మరో ఘోర రోడ్డు ప్రమాదం.. ఇద్దరు విద్యార్థుల మృతి

 

హైదరాబాద్ ఔటర్ రింగ్ రోడ్డుపై మరో ఘోర రోడ్డు ప్రమాదం.. ఇద్దరు విద్యార్థుల మృతి

హైదరాబాద్, జూలై 29: హైదరాబాద్ ఔటర్ రింగ్ రోడ్డుపై మరో విషాదకర రోడ్డు ప్రమాదం చోటుచేసుకుంది. రోడ్డుపై ఆగి ఉన్న లారీని కారు వెనుక నుంచి ఢీకొట్టడంతో ఇద్దరు యువతీయువకులు అక్కడికక్కడే మృతి చెందారు.

మృతులను యాదాద్రి భువనగిరి జిల్లాకు చెందిన ప్రణతి రెడ్డి (20), **కత్రావత్ సురేందర్ (19)**గా గుర్తించారు. మంగళవారం ఉదయం వీరిద్దరూ కళాశాల నుంచి కారులో గండిపేట మీదుగా కొల్లూరుకు వెళ్తుండగా, నియోపోలిస్ ఎగ్జిట్ సమీపంలో రోడ్డుపై నిలిపి ఉంచిన లారీని వెనుక నుంచి ఢీకొట్టారు. ప్రమాదం తీవ్రతకు ఇద్దరూ అక్కడికక్కడే ప్రాణాలు కోల్పోయారు.

ఈ ఘటనతో ఔటర్ రింగ్ రోడ్డుపై మరోసారి భద్రతా లోపాలపై చర్చ మొదలైంది. రోడ్డుపై లారీలను నిలిపివేయడం వల్ల తరచూ ప్రమాదాలు జరుగుతున్నప్పటికీ, వాటిని అరికట్టేందుకు ప్రభుత్వం, సంబంధిత అధికారులు సమర్థవంతమైన చర్యలు తీసుకోవడం లేదని వాహనదారులు ఆగ్రహం వ్యక్తం చేస్తున్నారు.

ఔటర్ రింగ్ రోడ్డుపై అక్రమంగా వాహనాలు నిలిపివేయడాన్ని కట్టడి చేసి, కఠినమైన భద్రతా చర్యలు అమలు చేయాలని ప్రజలు, వాహనదారులు ప్రభుత్వాన్ని కోరుతున్నారు.